發表主題
婚照拍攝
gigiwongwedding

新手上路

發表文章:1

回應:0

想結唔成婚?Join Alexander Hera 啦!
如果你想結唔成婚?我強烈建議你地 join 用Alexander Hera!

首先,不得不敬佩Alexander Hera 那些所謂的銷售策略,我和未婚夫去年在婚展看到Alexander Hera展示的相,未婚夫覺得幾簡單高貴,於是join左他們的pre-wedding package。Sell的時候當然乜都得,簽完contract落埋訂,就梗係過左海就係神仙,caution, 真面目出沒注意!

奇遇1 : 揀衫化妝

Join package 果時在他們office 見到放在show room那些婚紗,原來是另付費出租予Big day用,至於for pre-wedding的衫是在另一間房,款式相當少,而且婚紗好殘好舊,更甚者狐仙味濃郁......大部分新娘都希望影相可以選件大拖尾或者稍為夸張少少的款式影相。因為big day當日要招呼客人,夸張款式未必行動方便,所以通常影pre-wedding可以選些特別的款式,可惜如果你join 左呢間公司,你可以選擇另付洋洋幾千大元再租衫,又或者接受size fitting不對、無咩款式及殘舊不堪的衣服,堅稱自己這樣是簡單高貴,麻痺自己「影相出來唔係好覺」,然後著完回家用滴露沖涼。

老老實實,他們的造型化妝認真麻麻,尤其係髮型方面,去到影相當日化完妝才發現個set頭化妝唔得,你有幾多時間空間再同她夾? 一輯相如果連基本的styling、化妝、服飾都唔ok, 試問你最後會有幾大機會揀到自己鍾意的相?

奇遇2 : 影相風格 - 低頭跌左野

公司的幾個photographer影相風格大都跟翻Alex開業時的感覺,簡單有點style,可能是公司慢慢大左 ,流水式作業根本影到個個差不多。基本都是好多側面相,逆光相,以及經典的「45度角轉身低頭跌左野」角度,其實已經變到好程式化。

奇遇3 : Worst Service, 差D以為我翻緊工!

影完D相,就要夾D執相,你以為應該大家碰下面,夾下D相要咩感覺?Sorry, 他們會叫你自己翻去做個excel表,mark低晒邊張相咩number咩comment, 然後入紙排期,你無聽錯,係個同事exactly用呢個terms同客講「唔該入紙排期」,我差點以為我交緊文件俾政府。跟住,d野唔追唔會有,效率低而且由於只是靠個excel表講,根本好難改得合心水。由落搭後果日開始,就要直接同designer對口,無他,做客戶服務的要繼續出去sell客,最好個客自己打個excel表講下comment再send email來,甘可以騰出寫字樓空間和sales時間sell新客,一句講晒他們的原則是落力sell客,落搭就搞店,no need follow up.
package 本身包左「成長片段」,他們會叫你自己scan晒d小朋友相,話「只是收soft copy」,而且叫你upload 上sendspace,等人聯絡你。現在的Mac機入d相,選擇slide show,本來就有好多的theme可以選,可以是扮相薄翻頁,可以是扮相框飛過。我真心想問下,如果d相已經入晒落電腦,仲要只是罐頭式的倒模slide show,甘可需要交給他們做?
油畫相更加係唔追唔會有,樣樣叫個客自己跟,自己追,自己打個表,我真係以為自己翻緊工!

奇遇4: 性價比低

Comment最緊要公道,如果俾茶餐廳的錢,不會要求酒店的服務。三輯pre-wedding, 每輯$26,000, 未計另外租車等費用, 合共$78,000。現在market price 影local香港的pre-wedding package大約$15,000 - $18,000, 已經相當不錯,但Alexander Hera 收高40%而提供這樣的質素和服務,可以講性價比 (price /performance ratio)好低。
我明白有d公司做生意,但求搵錢,不求招牌口碑,果名臭左就過幾年改過另外一個名再開間新的,反正D人結婚只結1次,落左訂又無得退無得換,不過我真心希望其他兄弟姊妹不用再像我這樣做錯決定,決心執筆分享。
因為這間公司的質素和服務,和男友講過好多次,籌備婚禮本來已經好多細節要跟,還要夾間幫唔到手Alexander Hera (下刪3萬字, 他們的睬你都傻的態度和服務真係好差),實在增加好多壓力和煩惱 ,有時受完這間公司氣,忍不住將壓力向男友投射,有幾次吵到差d話晤結婚....

我的comment未必動聽,但貴在坦白,奉勸各位如果要join這間公司前要三思!

發表於: 2014-07-18 (11:04am)

最新回應:2014-07-18 (11:04am)