發表主題
婚紗攝影及錄影
scstanley

新手上路

發表文章:1

回應:1

Chris But Photo+film 的所謂專業
本人和太太於2015年2月8日於澳洲墨爾本註冊, 既然去到咁遠結婚, 自然希望聘請一位專業的海外攝影師一齊去啦, 經過多番搜尋, 終於選了一間名叫 "Chris But Photo+film" 的 海外攝影公司. 但原來是個谷氣的開始. 首先, 講下點解選佢地.
1. 佢地話2015年2月份有很多job在Melbourne, 我地join既話,可以唔洗負責佢地飛機票及食宿,因話其實個價係已經好多 pair 人瓜分左呢個成本. 所以佢地開價係稍為平的.
2.我地上佢office傾合約時, 我特登提出好多Melbourne 唔同的景點 (本人其實是澳洲公民,所以一般大路景點都好熟),Christ But 回應時可以好快的建議邊度影相靚及唔靚, 令我地相信佢真的好有澳洲攝影的經驗
3.看見佢地 facebook 的 profile, 又的確唔錯.
因 為咁,我地就聘用佢地, 並比埋一半訂. 但我地有個條件, 因為我地 3月8日會在香港擺酒, 所以希望製成品 (包括一本有 60張相的相簿及一張大油畫,一段花絮影片), 能在3月8日前交貨。 其他沒有修正的相片原稿檔案 (大 jpeg 格式),於攝影後一至兩天內全部抄比我地。當時, 畢先生全部答應,但提出由於出貨日接近農曆新年,要趕及3月8日前交貨,印刷公司需要另收$500完加急費用,並一再強調時實報實銷,我們要求收貨時要看看加急費的單據, 畢先生也答應. 就咁樣, 我地也覺得合理, 就和他簽了合約. 並交訂金.
好啦, 畢先生一收左錢, 就立刻唔同了. 以下是我們的經歷 :
1. 出發前開會時, 我地問畢先生一天半的攝影 (半天 big day, 一天 pre-wedding) 會影幾多套衫. 收錢前, 畢先生話可以影6 - 8套. 由於婚紗禮服佢地全部唔包, 所以我太太非常興奮的去準備了接近10套衫. 並一一sent相比畢先生看, 問邊套靚邊套適合. 可是, 畢先生收左錢後, 竟然反口話一日最多影到2 - 3套, 經多番爭持, 終於畢先生話 "影到幾多就幾多啦", 完全不再關心, 敷衍了事. 我相信所有準新娘都系愛靚的, 所以我地就帶晒全部10套衫去. 最後結果, 好似只係影得 3 - 4 套 (兩日加埋), 其他所有衫都係無著過.
2. 成個行程中, 合約訂明是我們不包食宿機票, 只負責當地於攝影日的交通. 好了, 到攝影日, 我們各自午餐後, 畢先生竟說, 他的客人是 "習慣" 會負責攝影日所有工作人員的膳食. 他的這個"習慣", 於合約上, 及多次會議電話whatsapp 等溝通上, 都無提過. 呢D係唔係明屈呢 ? 我地唔想影響時間, 暫不作爭論, 但要求容後再談. 我的想法是, 如果畢先生團隊是盡心盡力拍攝, 出來的相片又靚的話, 我地請你食飯有乜所謂, 但係唔係係咁屈法呢 ? 另外, 由於有一天我們想去距離墨爾本市4小時車程12門徒石拍攝 (一直係我要指定的地點), 我們決定是早一天入去過夜. 為了方便, 我們替畢先生團隊也訂了酒店, 當然先由我們預付. 我們訂之前已通知畢先生房價錢及一再強調是各自負責費用 (根據合約), 我只是先代付. 到後來我們回到香港, 畢先生竟想借故走數, 經我們多番爭論, 畢先生才應承負責, 但就於房錢中扣去拍攝當日的飯錢及那個加急費 $500. 加急費用我們是同意, 但我們要求看看印刷公司的加急單據, 畢先生就一直避開不答. 因為先前畢先生提過, 印刷是在大陸做, 農曆新年期間要加快所以要收加急費, 並強調是印刷公司收取的. 結果, 交貨當日 (是畢先生找個朋友代接頭, 畢先生本人並沒有出現), 我們看看印刷公司單據, 並沒有所謂的加急費用, 而且印刷公司是一間位於葵涌名叫 Man Wah Studio Limited 的公司, 並不是如畢先生所講, "於大陸印刷"的. 我有理由相信, 所謂的加急, 只是借故濫收費用.
3. 畢先生拍攝當中得過且過, 他的團隊包括化妝師,燈光, 都只係度遊山玩水, 連我太太的婚紗裙尾卷埋一舊, 我地兩個人的頭髮被風吹到凌亂不堪, 佢地都視若無睹, 只顧係度自拍娛樂. 呢種係乜野既 "助手" ? 畢先生攝影的風格, 是一個造型連拍十幾二十張, 而且拍攝取景時, 並沒有去刻意避開障礙物, 讓所有雜物都入了鏡, 然後靠事後用電腦 "執走佢". 我無意挑戰畢先生的風格, 如果出來的修補後照片是美麗動人的話. 可是畢先生的懶散, 化妝師的質素, 燈光助手的唔知佢做過乜, 大家認為會有好的照片嗎 ? 畢先生了總數 500多張相給我, 同一造型起碼20張, 數一數, 一日半10幾個鐘頭, 實際造型少得可憐.
4. 另外, 由於其中一景點 (12門徒石)離開墨爾本市4小時車程. 畢先生說,有需要時,他的助手可替換駕駛,讓我可以稍作休息. 但當我將車交給助手手上時, 他竟然手忙腳亂, 入波都亂曬大龍, 加減波同自動波唔識分, 我又點放心比佢駕幾個鐘頭車返市中心 ? 唯有我一個人頂著眼瞓駕下去. 完全影響了我拍攝狀態. 畢先生的團隊就繼續倒頭大睡. 另外,出發前,我問過畢先生通常客人會租邊款車, 因為我知佢地多器材. 我們也有很多婚紗禮服要帶. 結果, 我完全依畢先生的意思租了和畢先生所講上一個客的同一款車, 畢先生竟然埋怨車太細 ! 其實除了這部車, 同一時間我們的家人也租了多一部車一齊去, 兩部車都係比畢團隊用的, 畢先生的埋怨會唔會太過份點呢 ?
5. 拍攝當日, 畢先生同意最後一 part 係在墨爾本市夜攝. 二月份的墨爾本, 要到9時才會天黑, 畢先生宣稱曾在墨爾本拍攝, 應該很清楚. 可是, 拍攝完黃昏後, 畢先生可能肚餓啦, 竟然想收隊, 說好了的夜景呢 ? 我和太太當場發作, 無論如何不能接受, 畢先生才勉強完成最後的一 part. 但由此可見畢先生是如何的不負責任.
6. 出發前, 我們和畢先生協議過, 拍攝後的第二天, 我們會親自到畢先生的酒店揀落相簿及油畫的相,還有的是畢先生應承當日可以讓我們抄走未經處理的原相 (原 size jpeg檔),我們也準備了USB手指. 可是第二天, 畢先生說不用來了, 他說會將"所有相 "放了上 google drive (其實只是經縮細了的相, 僅作揀相用, 當然全部無執過). 叫我地自己 download, 並儘快通知揀好的相, 以做相簿及油畫. 他並強調, 揀好的相, 執好後會直接送給印刷公司, 沒有時間再給我們批準. 我們明白時間緊迫, 唯有接受, 但唯一條件是大的油畫相, 執好後一定要經我們批準才可以出相. 畢先生沒有回應, 推說網絡不佳很遲才收到訊息, 結果, 油畫的相, 是先給我們看過, 但其實畢先生已經送了給印刷公司出稿,已經再沒有修改的機會. 但實我們發覺, 畢先生只是略調下光暗, 就話執了相. 相中十分多瑕疵, 連人像相最基本的美白也欠奉. 我真係無見過一個 專業攝影師可以咁交貨比客. 畢先生, 你的相, 並沒有破壞及醜化我們的幸福, 只係放大了你對影像藝術感的貧乏.
7. 最後, 我們一再催促畢先生交回所有原 size jpeg檔, 因為我們對他死了心, 寧願自己用大檔案親手執. 但畢先生一再拖延, 說根據合約是三個月後才交相的. 我好似還記得, 畢先生你親口應承過 3月8日我們香港擺酒日期前全部交貨的, 包括這些原 size jpeg檔. 而且我們再也不用他去執相, 只抄相就可以了. 畢先生死也不肯, 我真不明白抄一抄相都要 3 個月 ? 最後畢先生話, 可以即時抄相給我們, 但亦代表合約完結, 以後制成品有甚麼損壞也不負責. 呢個咁既攝影師,還對佢有甚麼期望呢 ?

發表於: 2015-03-24 (12:17pm)

最新回應:2015-03-24 (12:17pm)